Wednesday, March 14, 2007

ನನ್ನೆದೆ

Waiting For You


ನೀನು ಬಿಟ್ಟು ಹೋದ ನನ್ನೆದೆ
ದೇವನಿಲ್ಲದ ಪಾಳು ದೇಗುಲವಾಗಿದೆ.

ನನ್ನೆದೆಯ ರಕ್ತ ಭಯವಾಯಿತೆ ನಿನಗೆ?
ನನ್ನ ಬಿಸಿಯುಸಿರು ತಾಳಲಾಗಲಿಲ್ಲವೆನಿನಗೆ?

ನೀನಿರುವಾಗ ನಿತ್ಯೋತ್ಸವ ನನ್ನೆದೆಯಲ್ಲಿ
ಈಗಿದೆ ಅದು ನನ್ನೆದೆಯಾಳದ ನೆನಪಲ್ಲಿ

ನಿನ್ನ ನಗೆಯ ಘಂಟಾನಾದವಿಲ್ಲ, ಪಿಸು ಮಾತಿನ ಮಂತ್ರವಿಲ್ಲ
ನಿನ್ನ ಸಿಹಿ ಮುತ್ತಿನ ಪಂಚಾಮೃತ ಅಭಿಷೇಕಗಳಿಲ್ಲ

ನೀನಿಲ್ಲದ ನನ್ನೆದೆ ಮೂರು ಕಾಸಿನ ಬೆಲೆ ಕಾಣದೆ
ಅವರಿವರು ಭೇಟಿಕೊಡುವ ಪಾಳು ಸ್ಮಾರಕವಾಗಿದೆ.

ನೀನು ಮತ್ತೆ ನನ್ನೆದೆಗೆ ಬಂದು ಸೇರಬಹುದೇ?
ಮತ್ತೆ ನನ್ನೆದೆಯಲಿ ನಿತ್ಯೋತ್ಸವ ನಡೆಯಬಹುದೇ?

ನನ್ನೆದೆಯ ಕದ ಸದಾ ನಿನಗಾಗಿ ತೆರೆದಿದೆ
ನೀ ಒಮ್ಮೆ ತಿರುಗಿ ನೋಡಬಾರದೆ?

1 comment:

Sandeepa said...

ಅವಳು ಬೇಗ ಮರಳಲಿ ಎಂದು ಹಾರೈಸುತ್ತೇನೆ!